ຂ່າວສານ ແລະ ກິດຈະກຳ

ພິທີເຊັນສັນຍາ ໂຄງການກໍ່ສ້າງສະຖານີຈ່າຍໄຟຟ້າຮ່ວມ ນໍ້າກົງ 2 ນໍ້າກົງ 3 ລະຫວ່າງ ບໍລິສັດ ຈະເລີນເຊກອງ ພະລັງງານ ຈຳກັດ ແລະ ບໍລິສັດ YEIG

2020-09-18

ໃນວັນທີ 18 ກັນຍາ 2020 ເວລາ 14:00 ໂມງ ທີ່ຫ້ອງປະຊຸມໃຫຍ່ ຊັ້ນ 6 ບໍລິສັດ ຈະເລີນເຊກອງ ພະລັງງານ ຈຳກັດ ໄດ້ຈັດພິທີເຊັນສັນຍາ ໂຄງການກໍ່ສ້າງສະຖານີຈ່າຍໄຟຟ້າຮ່ວມ ນໍ້າກົງ 2 ນໍ້າກົງ 3 ລະຫວ່າງ ບໍລິສັດ ຈະເລີນເຊກອງ ພະລັງງານ ຈຳກັດ ແລະ ບໍລິສັດ YEIG ໂດຍການໃຫ້ກຽດເຂົ້າຮ່ວມ ຂອງທ່ານ ຈັນທະບູນ ສຸກອາລຸນ ຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ, ທ່ານ ຈັນທະໜອມ ພົມມະນີ ປະທານ ບໍລິສັດ ຈະເລີນເຊກອງ ພະລັງງານ ຈຳກັດ, ທ່ານ ສາງ ຈິງ ປະທານສະພາບໍລິຫານ ບໍລິສັດ YEIG ພ້ອມດ້ວຍຄະນະຜູ້ບໍລິຫານ ບໍລິສັດ ຈະເລີນເຊກອງ ພະລັງງານ ຈຳກັດ, ຜູ້ຕາງໜ້າຈາກ ບໍລິສັດ  YEIG ແລະ  ບໍລິສັດ CGGC ເຂົ້າຮ່ວມ.

ສຳລັບ ໂຄງການກໍ່ສ້າງສະຖານີຮ່ວມ ນໍ້າກົງ 2 ນໍ້າກົງ 3 ເປັນໂຄງການທີ່ສ້າງຂຶ້ນ ເພື່ອເປັນຈຸດສູນກາງ ໃນການນຳເອົາພະລັງງານໄຟຟ້າທີ່ ຜະລິດໄດ້ ຈາກ ເຂື່ອນໄຟຟ້ານໍ້າກົງ 2 ທີ່ມີກຳລັງຕິດຕັ້ງ 66 ເມັກກະວັດ ແລະ ເຂື່ອນໄຟຟ້ານໍ້າກົງ 3 ທີ່ມີກຳລັງຕິດຕັ້ງ 54 ເມັກກະວັດ ແລ້ວເຊື່ອມຕໍ່ລະບົບເຂົ້າ ສະຖານີ ໂບອີ ແຂວງ ກອນຕູມ ຂອງ ສສ ຫວຽດນາມ ເຊິ່ງຈະສົ່ງຂາຍໄຟຟ້າຢ່າງເປັນທາງການ ໃຫ້ແກ່ EVN ໃນວັນທີ 30/04/2021.