ບຸກຄະລາກອນ ແມ່ນກຳລັງຕົ້ນຕໍ ໃນການຂັບເຄື່ອນອົງກອນ, ດັ່ງນັ້ນ ການຍົກລະດັບຄວາມຮູ້ຄວາມສາມາດຂອງພະນັກງານ ທຸກລະດັບ ແມ່ນເປັນປັດໄຈຫຼັກ ທີ່ບໍລິສັດ ຈະເລີນເຊກອງ ພະລັງງານ ຈຳກັດ ໄດ້ໃຫ້ຄວາມສຳຄັນ ແລະ ຊຸກຍູ້ໃຫ້ມີການພັດທະນາ ຢ່າງເປັນຮູບປະທຳ. ຄຽງຄູ່ກັບການຍົກລະດັບພະນັກງານ ກໍ່ໄດ້ມີການປັບປຸງສະພາບແວດລ້ອມໃນການເຮັດວຽກໃຫ້ມີບັນຍາກາດ ແລະ ມີປະສິດທິຜົນສູງສຸດ. ເປີດກວ້າງ ແລະ ສົ່ງເສີມໃຫ້ພະນັກງານ ໄດ້ສະແດງຄໍາຄິດ ຄໍາເຫັນຢ່າງກວ້າງຂວາງເພື່ອຄັດເລືອກເອົາແນວຄິດທີ່ດີເລີດ ເພື່ອຜັນຂະຫຍາຍໃຫ້ເປັນວັດທະນະທຳຂອງອົງກອນໃນອະນາຄົດ.