ວັນທີ 17 ພຶດສະພາ 2023 ທີ່ ບໍລິສັດ ຈະເລີນເຊກອງ ພະລັງງານ ຈໍາກັດ (CSE), ໄດ້ມີພິທີເຊັນສັນຍາ ຊື້-ຂາຍ ໄຟຟ້າ ລະຫວ່າງ ບໍລິສັດ ເຂື່ອນໄຟຟ້າ ຫ້ວຍລະແງ (HLN) ແລະ ລັດວິສາຫະກິດໄຟຟ້າຫວຽດນາມ (EVN) ຜ່ານລະບົບອອນລາຍ, ຕາງໜ້າໃຫ້ HLN ໂດຍ ທ່ານ Yu Zhongchai ຜູ້ອໍານວຍການໃຫຍ່ ບໍລິສັດ ເຂື່ອນໄຟຟ້າ ຫ້ວຍລະແຫງ ແລະ ທ່ານ ສົມສະນິດ ສຸວັນນະລາດ ຮອງປະທານຄະນະຜູ້ບໍລິຫານງານ ບໍລິສັດ CSE (ໃນນາມຜູ້ຖືຮຸ້ນ 30%) ພ້ອມຄະນະ ແລະ ຕາງໜ້າໃຫ້ EVN ໂດຍທ່ານ Nguyen Danh Son ຜູ້ອໍານວຍການໃຫຍ່ ລັດວິສາຫະກິດໄຟຟ້າຫວຽດນາມ (EVN) ພ້ອມດ້ວຍຄະນະ.
ພິທີການເຊັນສັນຍາດັ່ງກວ່າ ແມ່ນໄດ້ເອກະພາບໃນເນື້ອໃນຂອງສັນຍາ ໂດຍ ບໍລິສັດ ເຂື່ອນໄຟຟ້າ ຫ້ວຍລະແງ (HLN) ເຫັນດີຕົກລົງຂາຍໄຟຟ້າ ໃຫ້ລັດວິສາຫະກິດໄຟຟ້າຫວຽດນາມ (EVN) ໃນໄລຍະສຳປະທານ 25 ປີ, ເຊິ່ງຈະໄດ້ດໍາເນີນການເຊື່ອມຕໍ່ຈາກສະຖານີ 220kv ຂອງເຂື່ອນໄຟຟ້າ ຫ້ວຍລະແງ ໄປຫາ ສະຖານີສາຍສົ່ງເຂື່ອນໄຟຟ້ານ້ຳອີມູນ-ດາກອັອກ ປະເທດຫວຽດນາມ ແລະ ຄາດວ່າຈະໄດ້ທຳການຜະລິດໄຟຟ້າ ພ້ອມສົ່ງຂາຍຢ່າງເປັນທາງການ ໃນເດືອນ ທັນວາ 2025 ນີ້.
Previous image
Next image
