ເນື່ອງໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າ ແຫ່ງຊາດ ວັນທີ 13 ກໍລະກົດ 2020 ທີ່ຜ່ານມາ ຢູ່ທີ່ເຂື່ອນໄຟຟ້ານໍ້າກົງ 2 ເມືອງ ພູວົງ ແຂວງ ອັດຕະປື ໄດ້ມີພິທີປ່ອຍປາ ຄືນສູ່ທຳມະຊາດ ໂດຍການໃຫ້ກຽດເຂົ້າຮ່ວມຂອງ ທ່ານ ເລັດ ໄຊຍະພອນ ເຈົ້າແຂວງ ແຂວງ ອັດຕະປື, ມີບັນດາຫົວໜ້າພະແນກການກ່ຽວຂ້ອງ ພ້ອມດ້ວຍພະນັກງານ ເຂື່ອນໄຟຟ້ານໍ້າກົງ 2 ເຂົ້າຮ່ວມຢ່າງພ້ອມພຽງ.
ສຳລັບ ປາທີ່ນໍາມາປ່ອຍໃນຄັ້ງນີ້ ລວມມີທັງຫມົດ 200.000 ໂຕ ປະກອບມີ 4 ຊະນິດ ຄື: ປາກິນຫຍ້າ 40.000 ໂຕ, ປາປາກ 80.000 ໂຕ, ປານິນ 50.000 ໂຕ ແລະ ປາເຂັງ 30.000 ໂຕ ໂດຍໄດ້ປ່ອຍລົງໃສ່ອ່າງເກັບນໍ້າ ໜ້າເຂື່ອນ ກໍ່ຄືປ່ອຍລົງສູ່ທໍາມະຊາດ, ເພື່ອເປັນການອານຸລັກ ແລະ ຟື້ນຟູລະບົບນິເວດທາງທຳມະຊາດ ໃຫ້ມີຄວາມອຸດົມສົມບູນ, ໃຫ້ສັດນໍ້າມີບ່ອນແຜ່ພັນຢ່າງກວ້າງຂວາງ ຂະຫຍາຍເພີ່ມຫຼາຍຂຶ້ນ ແລະ ຍືນຍົງ, ທັງເປັນເງື່ອນໄຂທີ່ດີໃຫ້ແກ່ປະຊາຊົນ ໄດ້ນຳໃຊ້ເຂົ້າໃນການດຳລົງຊີວິດ ແລະ ຢູ່ຄຽງຄູ່ກັບການດໍາລົງຊີວິດ ຂອງປະຊາຊົນຕະຫຼອດໄປ.
ເຂື່ອນໄຟຟ້ານໍ້າກົງ 2 ຈັດພິທີປ່ອຍປາ ເນື່ອງໃນວັນອະນຸລັກ ສັດນໍ້າ-ສັດປ່າ ແຫ່ງຊາດ
