ໃນວັນທີ 20 ທັນວາ 2024 ທີ່ຫ້ອງການສໍານັກງານໃຫຍ່ ລັດວິສາຫະກິດໄຟຟ້າລາວ, ບໍລິສັດ ຈະເລີນເຊກອງ ພະລັງງານ ຈຳກັດ (CSE) ຕາງໜ້າໂດຍ ທ່ານ ລິດສະໝີ ລາດຊະວົງ ຮອງປະທານຄະນະຜູ້ບໍລິຫານງານບໍລິສັດ CSE ໄດ້ມອບເງິນຈຳນວນ 600,000,000 ກີບ ໃຫ້ແກ່ ລັດວິສາຫະກິດໄຟຟ້າລາວ (ຟຟລ), ເຊິ່ງຕາງໜ້າຮັບໂດຍ ທ່ານ ປອ ອາຄົມເດດ ວົງໄຊ ຜູ້ອໍານວຍການໃຫຍ່ ຟຟລ ພ້ອມດ້ວຍຄະນະ.
ຈຸດປະສົງຂອງການມອບເງິນຊ່ວຍເຫຼືອໃນຄັ້ງນີ້ ແມ່ນເພື່ອປະກອບສ່ວນເຂົ້າໃນໂຄງການປັບປຸງ-ຍົກລະດັບໂຮງຮຽນອະນຸບານ-ລ້ຽງເດັກ ແລະ ຂະຫຍາຍໂຮງຮຽນປະຖົມ ຂອງ ລັດວິສາຫະກິດໄຟຟ້າລາວ ທີ່ມີອາຍຸການນໍາໃຊ້ມາຫຼາຍສິບປີ ແລະ ເກົ່າແກ່-ຊຸດໂຊມຕາມໄລຍະເວລາ ໃຫ້ສາມາດອໍານວຍຄວາມສະດວກ ແກ່ການຮຽນ-ການສອນ ປະກອບສ່ວນເຂົ້າໃນວຽກງານຂະແໜງການສຶກສາໃຫ້ມີຄວາມເຂັ້ມແຂງ ແລະ ຍືນຍົງ. ໃນໂອກາດນີ້, ທ່ານ ປອ ອາຄົມເດດ ວົງໄຊ ໄດ້ສະແດງຄວາມຂອບໃຈມາຍັງ ຄະນະບໍລິຫານງານ ຂອງບໍລິສັດ CSE ທີ່ໄດ້ໃຫ້ການສະໜັບສະໜູນທຶນການຊ່ວຍເຫຼືອ ໃນຄັ້ງນີ້, ເຊິ່ງມີຄວາມຈຳເປັນທີ່ສຸດໃນການຍົກສູງຄຸນະພາບການສຶກສາຂັ້ນຕົ້ນໃຫ້ມີຄວາມເເຂງເເຮງ ແລະ ອວຍພອນໄຊ ມາຍັງ ຄະນະບໍລິຫານງານ ຂອງບໍລິສັດ CSE ສືບຕໍ່ດຳເນີນທຸລະກິດໃຫ້ໄດ້ຮັບຜົນສໍາເລັັດ ມີຄວາມເຂັ້ມແຂງຮອບດ້ານ ໃນການສະໜອງພະລັງງານຮັບໃຊ້ເສດຖະກິດ-ສັງຄົມ ຂອງຊາດ ຢ່າງຍືນຍົງ.
