ບໍລິສັດ ຈະເລີນເຊກອງ ພະລັງງານ ຈຳກັດ (ຈຊພ) ສ້າງຕັ້ງຂຶ້ນໃນວັນທີ 16 ມີນາ 2016, ປັດຈຸບັນ ມີທຶນຈົດທະບຽນ 330 ຕື້ກີບ. ບໍລິສັດ ເປັນເຈົ້າຂອງ, ພັດທະນາ, ກໍ່ສ້າງ ແລະ ຜະລິດ ພະລັງງານໄຟຟ້າ ຢູ່ພາຍໃນປະເທດ ຕາມນະໂຍບາຍພັດທະນາເສດຖະກິດ-ສັງຄົມ ແລະ ນະໂຍບາຍການຫຼຸດຜ່ອນຄວາມທຸກຍາກຂອງລັດຖະບານ ສປປ ລາວ. ເພື່ອບັນລຸເປົ້າໝາຍດັ່ງກ່າວ ບໍລິສັດ ໄດ້ເນັ້ນໃສ່ການກໍ່ສ້າງໂຮງງານຜະລິດໄຟຟ້າໃຫ້ໄດ້ມາດຕະຖານລະດັບໂລກ ໄປຄຽງຄູ່ກັບຄວາມຮັບຜິດຊອບຕໍ່ສັງຄົມ ແລະ ຮັກສາສິ່ງແວດລ້ອມ.
ປັດຈຸບັນ, ບໍລິສັດ ຈະເລີນເຊກອງ ພະລັງງານ ຈຳກັດ ເປັນຜູ້ລົງທຶນໃນການພັດທະນາ ແລະ ຜະລິດ ພະລັງງານໄຟຟ້ານໍ້າຕົກ ມີທັງໝົດຈໍານວນ 11 ເຂື່ອນ ໃນນັ້ນ ມີ 06 ເຂື່ອນ ທີ່ດໍາເນີນການຜະລິດໄຟຟ້າແລ້ວ, 04 ເຂື່ອນ ທີ່ຢູ່ໃນໄລຍະການກໍ່ສ້າງ ແລະ 01 ເຂື່ອນ ຢູ່ໃນໄລຍະການພັດທະນາ.
ດ້ວຍປະສົບການ ແລະ ຄວາມສຳເລັດ ໃນການດຳເນີນທຸລະກິດມາຍາວນານ ໃນດ້ານການພັດທະນາໂຄງການ ເຂື່ອນໄຟຟ້າ ພະລັງນໍ້າ, ພະລັງງານແສງຕາເວັນ, ພະລັງງານຄວາມຮ້ອນ, ການພັດທະນາ ແລະ ກໍ່ສ້າງ ໂຄງການພື້ນຖານໂຄງລ່າງ ຂອງພວກເຮົາ, ບໍລິສັດ ຈະເລີນເຊກອງ ພະລັງງານ ຈຳກັດ ມີຄວາມມຸ່ງໝັ້ນ ໃນການດຳເນີນທຸລະກິດຂອງຕົນ ດ້ວຍຄວາມເອົາໃຈໃສ່ຕໍ່ຊຸມຊົນ ແລະ ສິ່ງແວດລ້ອມ…
ຖ້າທ່ານມີຄວາມກະຕືລືລົ້ນໃນການເຮັດວຽກ ແລະ ສາມາດເຮັດວຽກເປັນສະມາຊິກທີມໄດ້, ສະໝັກເຂົ້າມາເປັນສ່ວນໜຶ່ງຂອງເຮົາໄດ້
